AF268: 21v

ve dilīrān ṣafā‑ārā ebbedehüm [?] taʿālā gerekdür ki ser‑dārum taʿyīn ėtdügi qışlaqda // qışlayup bir qadem ṭaraf‑i ḫilāfa teḥaṭṭī [!] ėtmek ḥaṭā [!] bileler ve imtis̱āl‑i emrle gendülerin şāyeste‑i // ʿaṭā bileler ve illā ʿiṣyān cezāsın dünyāda ve ʿuqbāda görürler sen‑ki serdārumsın // bu pend‑nāmemi ġāzī qullarum maḥżarında oqıyup aṭīʿū llāha wa‑aṭīʿū r‑rasūla wa‑ūlī // [l‑amri] minkum kerīmesinüñ mefhūmın anlara tefhīm ve aṭīʿū amrakum wa‑law ʿabdan ǧaṯiyyan maʿnāsın // taʿlīm ėdüp her zümreye bir maḥall‑i münāsib qışlaq taʿyīn ėdüp [...] qābil mevżaʿ // gösteresin şöyle‑ki taʿyīn olunan maḥallde durmayalar ve senüñle meʾmūr olduqları // meskende oturmayalar her biri qolayın gözedüp daġılalar qaṭʿ‑i manāṣıb ve veẓāyifler // ile iktifā olunmaya [...] bileler ve mücāzātlarında [...] ve meʾẕūn ėde ki [?] taḥqīq // ėdeler sene‑i sābıqada intişārlarından aʿdānuñ her gūne cemʿīyetleri [?] // olduġına görmişken bu sene daḥı [!] öyle ėderlerse anlarda dīn ġayreti ve nāmūs // devlet‑i ḥamīyeti ve ʿarż‑i islām ḥimāyet olmaq görinür el‑ʿıyāẕ bi‑llāhi ketebe l‑faqīr // Ḥasan Aġa el‑çavuş [?] // [...] Sigetvār [?] // [...]

Qānūn‑nāme‑i vilāyet‑iÜngürūs
Mes̱ela livā‑yi Segedīnde vāqiʿ olan varoşlaruñ ve qaryelerüñ ve qaṣābātuñ ve iskelelerüñ // ʿādet‑i qadīmeleri ve qralları zemānından berü cārī olan qānūnları oldur ki // evvela bir ḫāne raʿīyet üç‑yüz aqçeye güci yėtse rūz‑i qāsım ki Türk dilince qoc // qatımı dėrler her senede rūz‑i mezbūrda pādişāhīye birer ġurūş cizye vėre gelüb // lākin cülūs‑i pādişāh‑i muʿaẓẓam ve ḥāqān‑i [!] mükerrem ḫullidet ḫilāfetihi ʿalā aqāyimü l‑[...] ḥażretlerinde // on bir aqçe ziyāde olub ẕikr olunan cizye her ḫāneden ḫāneye altmış birer penez aqçesi // vażʿ olunub ve cizye cemʿ ėdenlere her cizye başına altışar penez aqçesi alınmaġa // qayd olınub ehl‑i ḥükm olanlar ziyāde aldırtmayalar ve bir ḫāne içinde // ne kadar bir atadan oġulları olsa gerek ataları diri olsun gerek olmasun // mā‑dām‑ki yiyecekleri ve içecekleri ve kār u kesbleri bir aradan olub rızqların // ve mālların başqka başqa ayırmayalar ol maqūle ḫāne içinde ẕikr olunan cizyenüñ